Popular Bible Verses from Valoma 12

Share

Hamunalilinganiange na shinamidyo shawakati au kanji mubadilike kwaindila yakunonowangigwa muding'anong'ano dyenu kwambangidya mutende nningo mwanalela akwashi malotelo ake Nnungu, ambone, akunagwaleka na ashalowa-uti.

Napavedoni mmanung'unumunu, ninkunnaililila kwashididi shake Nnungu lyumye mili vyenu kumwe Nnungu kenga shadaka shingumi, shakwilimyanga na shinnagwéla Nnungu; aku ni kulipudya kwenu kwaimumu.

Mulilindilililo, puwanga. Mumauvilo, lipililile. Mukushwali, nanopa.

Hamunaleke wakunyata untema kanji tema wakunyata kwauwambone.

Nagwaladyania namene kwalinagwaledyo lyashinung'unumunu muuvanavo dukuduku yakwishimana.

Linagwaledyo live líkave shinankulaba. Vangedya ashilá shakunyata na kamulila ashilá shambone.

Ikaululika na kwaupande wenu mwenu, nama kwaamani na vanu uti.

Mmakunagwaleka, mwiko hamunalipilile kanji kulipilila lakela shitundi shake Nnungu mwaa indyandikigwa, “Kulipilila ni kwangu nangu; nangu ndalipilila, atangola UMU.”

Mwidukuduku, hamunadidimange. Mu Imumu, jaulila. UMU, ntumike.

Mwenu, kwaumonyo wangupatile ninkumwaulila kula munu pakati penu hanalikumbukile jo mwene kupunda amulá muvaikidíle alikumbukilile kanji nae alikumbukile kwabila kupundanianga kulinganananavo shipimo shalikulupililo shanjavidile Nnungu kula munu.

Hamunalipe wakunyata kwawakunyata. Lambela kutandedya wambone pamevo pavanu uti.

Kumbukilanila mumo momo. Hamunalyone kanji ava tayali kulyunganianga namu avalá vailudyangíka. Hamunalyone mwemwe mmene kuva mmalimanyilo.

Leka apo, “Mmongo wako akavanavo indala, mupe shakulya; ikankola inyota, mupe shakukumbila. Pautenda davo po, unkumpalila makala pamuti pake.”

Vaalaliye avalá vampapáta, vaalaliye na hamunavatae dilana. Puwanga namu avalá vapuwánga, lila namu avalá valíla.

Kwa avilá vivóva vakwilimyanga, shangila. Kuvapwashalela vajeni, lambela.

Doni, kenga mumili umo tunkuvanavo dimbande dyoe na dimbande uti hadivenavo shimadengo shimo, nawetu momo ata ikava kenga tuvelé tuvoe, tunkuva mili umo nkati mumwe Klistu na kula munu pakati petu tunkuva dimbande dyunganénge.