Popular Bible Verses from Valoma 10

Share

Mwaa ikava kenga wako undaang'ula kwaikanywa yako kenga Yesu ni UMU na undakulupila kwantima wako kenga Nnungu anindyuwa pakati pavakupela, undaambwalegwa.

Doni, kwa wo ntima, munu anakulupila kutwala kupata ishaliya na kwa yo ikanywa, munu andaang'ula kutwala kwambolegwa.

Nadoni likulupililo linkwaloka mukwigwa na kwigwa kunkwalakela kwaindila yalilove lyake Klistu.

Kenga mwatangalela Maandiko, “Aijá ánkulupila nae, hatutala.” Mwaa hakupali kuvilingananga pakati pavayuda na vamidi pakuva UMU jojo ni UMU wavanu uti avaalaliya uti avalá vantambulánga nae mwaa “uti aijá átambulanga lina limwe UMU, andaambwalegwa.”

Na valota kuvalanganga dashi vakatumigwidye? Kenga indyandikigwa, “Kwalala dashi madodo a avalá vavalangánga ntenga wavinu vyambone!”

Napane valota kuntambulanga dashi aijá wávakankulupidile? Na valota kunkulupila dashi aijá wávakamwigwite vammalanganga? Na valota kwigwa dashi akapali munu ávavalangangidile?

Doni, mwisho walilamulo ni Klistu kwambangidya ipagwe ishaliya kwa aijá uti ákulupila.