Popular Bible Verses from Why. 5

Share

Honona re rwahniara nhiar warwuaru ida de riwra: “O' nanpena ed mak ka'ala puk de me O' wal pia ed maka khar dioinia hiwliai miaka ha ra rkulit targa puka pniopan de. Yoma la' O wnienanmu me rarmu mak kaktiowur doin la pa rimormioria nohkerna mak kwatiawua hairi-hairi nor wutga noh pa'etu-rai piatatra nor wut nieka leta-leta ror wutga wniareini-wniahaurnu re, Muweli momuog olek ir pa Muala la Uplerlawna-Mempulwatnu.

Ne rarur mieman la wniahniara riwra: “Dum A'na mak ha rwen olek de nampena ed maka ha tsu'ru-tselma, me ta'uli-tawedia la'a tutullu-lolo'oni, la'a re'eni-tniarnu, rurni-laini, kirkirni-ralma-riorni!”

O' ed mak kwalir nian oleka ir pa rler la hair ida maka Mtiutmuata-mkiewra'a pa rhi'a o'ta-mata (imam) mak khima-kre'a it Uplerlawanni, me Mual walia ir pa rodi plolli la nohkeran di wawannu.”

Noma a'utlin walia mak kmormior lia Ilyamou-Watyatoha, mak kden nohkerna, ne mak kden la noha wikni-ray gerni. Rrekan neka la hya' mak kdella lyanti nayanni, rwahniar momuou pa riwra: “Mak kamtatan la liwangen tiutul die nor wut walia Dum A'na de, hare nanpena er maka ha ra'uli-rawedi, ha rhu'ru-rhelma pa nodi liarni me er maka kodi plolli la haneka-harahu wuawannu pa nodi liarni!”

Noma riy id la' o'ta-mata re nhar lirni pa nakot mai a'u: “Oi! Yana muhe'du la kniakru. Mkillia! Yesus mak ha rwet la de Singa mak kwatiawu Yehuda luwnu-a'nani me mak ha rwet wal lia, Daud duratni-waitni inhatta, ed maka ka'unut lawn olekwa. La' hade pede E' nanpena hota ed mak kodi plolli pa khau dioinia hiwliai mak ha ra rkulit taru re wo'itu pa nkillia puk de ralamni.”