Popular Bible Verses from Nhiara 107

Share

Ta'uli-tawedi ITMATROMLAWANNI Makdenrer die onnila hihi'ini-yapyapni mak kodia kalwieda-paitiota me E sniayanni mak kden pa nodi liarni.

de Enhar tio'a lirni dewade nnieni-nhien maka klu'ut apitga ira re onnila do'oni-halli re de, plinu-plinnianama emeka nmol wua. Me Nahal doinia ir la'a hoi-kietra hu'ulli.

Mmiai pia mi'uli-miwedia ITMATROMLAWANNI Makdenrer die onnila sniayanni mak kodi liarni me hihi'ini-yapyapni mak khi'a noheri woru la lyanti nayanni di pa rwer rer wiawni ne rta'u-rtag o'tani. Yoma E' ed maka kala ger pa miy miemnu, me Nhi'a miy mak kakleha-kaplara re pa mlier la pripanni-fa'anni.

La'pa rwakloli-rwaklal lia kapli wawannu de ranin to'ola la motni wawannu, noka rhaun pa rpol lia ITMATROMLAWANNI, dewade E' ed maka ktulan la ir pa Nahal doinia ir la yo'ora-anni re. Pede la'a me'eta-anin matmiati-molmuol die, nleretniekla tah'i wawannu nalina-nalera, yoma natlin la ITMATROMLAWANNI lirni.

Mere ralma-riorni kuku' de nheik la ITMATROMLAWANNI Makdenrer die, pede rhaun la E'a dewade Enamori-nalewn ir wa. (Ir de emeknekama i'na-ya'an maka meti ha nkeran nana mere meti nre'wa dewade rlekur tar lia yo'ora ralamni pa hoka lewr owa'ana).

Mere plinu-plinnianama rhaun pa riwra: “MATROMLAWNU ne! Mtiulla-msiayn nan ami e!” Dewade ITMATROMLAWANNI Makdenrer die Namori-nalewan nan ira

La'pa rler la polpuol ina-wakwak ama dewade rhaun la ir MATROMLAWANNI, dewade Nolin doinia ir la'a kropna-krieutu maka rlernana re.