Popular Bible Verses from Nhiara 103

Share

Agiwra u'uli-uwedi ITMATROMLAWANNI, yoma naplola pa hade lol talanni. Yana aghoratdoinia E kalwiedwedni.

Yoma E' ed maka Namou-nawitna do'u-ha'lu honona. E' ed maka khi' kalwieda a nnie'nu-nhie'nu honona. E edonna Nolin doinia a' arnu pa nler la hoi-kietra ralamni ne Nal a' pua aliernana E tniulla-sniayanni pa nodi liarni. E' ed mak khi' a pua lier meman la kalwiedwedni la a mormio'ru-dardia'ru ralamni, pede a ru'ru-la'yu nla' owa'an la genni emolmolan nekama riy mak tuwarwiar mia'ta. A ru'ru-la'yu de emeknekama ma'nu rajawali.

Ray Daud kieheni-nhiarni: Agiwra u'uli-uwedi ITMATROMLAWANNI Makdenrer die, yoma naplola pa hade lol talanni. Agiwra gal a ihru-ralmu tetema pa u'uli-uwedia a MATROMLAWNU nan lululi de!

Emkameni la ama ida ntulla-nsaynia upni-a'nani de emkade walia ITMATROMLAWANNI Ntulla-nsaynia la'a riy maka ka'unni-kamta'ata khu'ru-khelma E'a.

La'pa emkameni la tipru oliet mieman la warta, de emkade wal lia ITMATROMLAWANNI Nwa'al molga it do'oni-halli la olietlet memna.

ITMATROMLAWANNI Makdenrer die, ed maka ktulla-ksayni. E' de edonna Nwahla pletleta rira do'oni-halli. Mere sniayanni liawanni memna yoma sniayni onni E'a.

E edonna Nukmu it de emekwalima hya' maka itsi'a pa nhal olekwa. Nwahla it do'oni-halli, de weratni edon emeka hya' ed maka itsi' oleka re. Mere la'pa emkameni la lyanti oliet meman la noha wawannu, de emkade walia la'a E sniayanni lawanni memna la hameni mak ka'unni-kamta'ata katlina-katailla E'a.

ITMATROMLAWANNI Nodi plolli la Ilyamou-Watyatoha, me E' nekpa Ray la'a haneknek wawannu.