Popular Bible Verses from Rano'a 3

Share

Mual ralammu tetema pa mpuesiay ITMATROMLAWANNI, Makdenrer die. Me yan memmemna mhua'ar mormiormu la' yat wuamuehemu. La'pa omhi'a hya' to'a de mhuoratreria Uplerlawna totpena mutlina-mutailla, ne hota E' ed maka ktutga talla mak kaplollol la' o'a.

Me yan memmemna mpuarehia yat wuamuehemu. Mere mu'unni-mumta'ata mutlina-mutailla ORGAHI-ORHA'A me olie'tu la yatyatni-halalli.

Yatotmu-yawapmu la ORGAHI-ORHA'A de nayamkek la o nhiurliwtu-wnial odapmu de muala samomuounu mak omliernana la meloimu-mensiarmu me nhyi'imu-tlunanmu. Totpena dudanmu re pala penga la'a ya'ana-yemnu, me la'pa lokrahi maka ha muemnia re mana riwgerun la kuhumu-khamu potla-plesmu.

Mtiut rieria ralam kalwiedmu la' mormiormu de pa mpual lia riy maka ha rpesiaya. Emkade pede nhiolmu-lietmu de hota emeknekama wui miaha mak kden rer lia tiermu. Mpuarora-mpualai samomuoga hota emkameni totpa mtiutga nhiol samomuoumu de.

A'nu ne! Yana mpuarwah'a ORGAHI-ORHA'A wniatutnu-wniaye'eni la o'a. La'pa Npolliohora o' de yana ralammu werta-werta. Yoma ITMATROMLAWANNI Nwatutga me Nliwra-nkaklia riy maka Ensaynia, pa emekwalima ama ida e nwatutga me nliwra-nkaklia a'nani mak ha nsaynia.

A'nu ne! Yan memmemna mhuoratdoinia hya' maka awuatutu-wuaye'a la o'a. Orahniortu la'a hya' maka ukota re. Totpena muor niana tupmu me mliawan nana liawanmu me mlier la pripanni-fa'anni mai nohkeran di wawannu.

Riy mak klernana kirkira-ralma riora samomuounu de nat niohora hya' ed mak kaplola pa hota nler la unut lawna. Unatnu de narehi miemna lelkiorkora-mahmarmara welli. O kirkirmu-ralma riormu ho' de nareh dioinia watu maka welli werta. Hya' to' maka ompuahaka ho'mana edonna nora hade tutur wutu.

La'pa riy mak kakleha-kaplara nwak hadom tiy o' de, etla de, muala, yana mpualgei' lia.

Onnila kirkirni-ralma rior samomuounu pede ORGAHI-ORHA'A Nakoki nayapi niana nohkerna rai miarna, me Nweran targa lyanti la' genni.