Popular Bible Verses from Rano'a 18

Share

It namni nodia ulin pa na nalewna mormiori onde nwunu-nwenna. La' lira-tun muaka klergot la it nurnu de it orgahani tutulu-takwara.

ITMATROMLAWANNI Makdenrer die, emeknekama il tutulu ida. Riy mak kaplele'era re rawlar lia E'a. Yoma la'a E' de, de riy mak kaplele'era rler la gen miaka kamtiertiernu.

Rira rwatalan de lera dom de idma edonna rla'a-rmai ida, mere la' dom de idma nkulit reria ida pa tatniekame ha rwahyali raralma.

Muan muaka kmehlim olekwa, de ha rlernan oleka ha samomuounu la Uplerlawna. Yoma it hawni pata re emeknekama ra'a-palu maka ITMATROMLAWANNI Makdenrer die, Nala mai ita.

He' ed mak edonna katlina-katailla rimormior wialli mere pleta-plet pa naltieri yoma nat nieka e natga olek hare honona, riy de nhi' oleka hihi'a-yapyapi podpodku-padpadku hade, me nodi molmola-mama'a la inon wamueheni.

La'a riy mak kpodku yehwani de nahmena rira rala ralma-rior la e'a. Eneknek to'ama sukni la nakot nohora e ralma-riorni.

Riy mak khi' inonni pa katulu de hota rala la yaw de rtuwun watwiatia du'urnu la tani kierna wawannu. Mere la'pa riy mak katu khu'ru-khelma de riy ratota-rawawa.