Popular Bible Verses from Rano'a 15

Share

Twahla mnapalla de hota rira yawenanni nwal lia hamamuamua. Twahla makleklekla, de nareiniande yawunu-yawenna.

He' ed maka ka'unni-kamta'ata katlina-katailla ORGAHI-ORHA'A ed mak hota nwal lia riy orkirkira-or ralma riora. Me riy mak katu khu'ru-khelma hota rlernana yatota-yawawa.

La' lira mnapnapla ed mak khi'a rira ralamni pa nahmuakru. Mere la' lira-tun muaka yatyata-halala de nhi' rira pa rakleha mhuakru.

Mak riy rwarora-rwalai niana id mana edonna rhi'a, yoma rakleha mak ktutga talan plolol la' ira. Mere la'pa mak katu kano'a-ka'atga harahu erla, de hya' maka rwarora pa hota rhi'a de plola pa ntutu-nte'ela.

Ralma niniha-malmiali nhi' rira herni-gaini pa yamkekni nlita-nwora. Mere ralam mak susa de nhi' rira pa rakleha mhuakru.

ITMATROMLAWANNI Makdenrer die, Nlina-nmata hya' maka ha rhi'a la' meni-meni to'a. E Nlin reri-nmat reri hihi'a-yapyap mak kaplollola me mak kyata-khala.

La' samomuounu de itakleha-taplara hornama tatlina-tataili ta'unni-tamta'ata ORGAHI-ORHA'A. Yanhi'pa tre'a-ttaru mere it ihranu ralamni wolwo'la nohora.

La'a riy maka pleta-plet pa kawenna de hade ed maka karieiniana kniokna-riarni. Mere la'a riy maka edonna kawenan taru de hade ed maka kodia mtiertierannu la'a rimormior wialli.

Riy ralam kalwiedweda nhi'inde rakot hadom de rawierat ma'ta ralma-riorni. Mere la'a riy yatyata-halala de pleta-plet pa ranuru-ratierga rimormior wialli.