Popular Bible Verses from Rano'a 13

Share

La'pa riy maka kor wutga mak katu rwaloi wiutu de hota kirkira-ralma rior samomuounu na'ititar rer lia. Mere riy maka kwaloi wiut lia riy mak kpodku de hota rler la kropna-krieutu.

Riy maka kaltier pia ka'ererma la ltierni de hota ha mormiorni namtiertiernu. Mere la'a riy maka kaltier pia hornama nanni pa naltieri de hota nhi' arukia inon wamueheni.

La'pa riy edonna nliwra a'nani de emekwalima riy' de edonna nsaynia a'nani. Mere la'pa nsaynia a'nani de ralamni edon werta-werta la'pa npolliohora.

La'pa it edon tlernana ma'ta hya' ed maka ita ralamni nod rer lia de hota ita ralamni worworga me itmaphuna-tmahprai. Mere la'pa tlernana hya' maka it ralamni ha nwaka, de hota it tahmuakru owa'ana.

Yehwa plolioi-plele'era nruwun reria riy maka mormiorni-dardiarni naploloi-naplele'era. Mere yatyatni-halalli ntot weyata riy mak khi' do'a-kyap hiala.

Re'a-tniaru maka pleta-plet pa tlernana de hota pleta-plet pa ngai dioin la. Mere la'pa itkar werwerta pa itlernana oke'a-oke'a de hota na'ititar rer lia pa harahu.

Mak ktutga manaratni de ha nwahak to'a yahuri-yawo'ora la'a rimormior wialli. Mere riy mak katu de nwahak to'a lira nnio'a-wawa niatu.

La'a riy samomuou raltarga re'eni-tniarnu la upni-a'nani gahani. Mere riy maka kler la do'a-hala re re'eni-tniarnu nawniatierun pa ra rweiya riy maka kholi-klet la ploini-ple'erni ed maka klernana.

Upa-a'na mak ktaru o'ta-kriahlu de nhi'inde natu natlina-natailla amni lirni-tunnu. Mere upa-a'na maka kpo'ona-kpei, mak kparwah'a wniatutu-wniaye'a de, nahmen etia rira rpolliohora e'a.

La'a riy maka kwayotlia lira nnio'a-wawa niatu de hota nler la kleha-lara me yamola-yama'a. Mere la'pa riy maka kreiniana lira pniolliohora, de hota riy ratota-rawawa.