Popular Bible Verses from Dan. 9

Share

A rimormio'ru do'oni-halli de awue'er momuoga la'a ORGAHI-ORHA'A A Uplerlawnu. Agiwra: “Matromlawnu ne! O inponmu, pa ma'uli-mawedia O'a. Nhi'inde Omhuoratreria O nnio'omu pede Mtiutga sniayanmu pa nodi liarni la riy mak kpol rieri-kwak rer tiy O'a me rlernohor reria O lirmu.

Mhueri tlinmu-mpual miatmu mai ami Uplerlawnu nee! Mumkek la amalui-manuhru nohora O letmu maka ha rweyata-rwaniaga de. Amsumbain la O' de, edonna riwra yoma la'a hya' maka amhi'a-myapia ed maka kaplola, mere onnila O' nanpena ed maka ktutga ralam kalwiedmu mak kareh mieman de mai ami. Mhueri tlinmu-mpual miatmu mai ami! Yana Mhuoratreria a do'a-hal mamni! Pleta-plet pa Mtiulan nan mai ami ee! Totpena riy honona rwer matni la O'a, yoma Uplerlawna O' inhatta me Yerusalem nora O rimormiormu am di, de O' orgahamu Mpualir niana totpena Mhi'a la O gah wuamuehemu!”

Noma aniairi kadu (raini yaluli-yahona) me kienia awu li'ina la' a o'tu wuwannu la'pa utahan lara totpa tiutga a ralmu mawla onnila agora a rimormior wia'lu do'oni-halli. Emkade pede asiumbain la Uplerlawna a Matromlawnu de agal memna a ralmu.

Ami edonna matlina-matail tiy O'a, Matroma, mere emkade ho'mana, O de Uplerlawan mamni de O ralammu npenpuen niohor ma'ta sniayanmu mai ami pa Mumou-muwitna do'a-hal mamni.

Ray die nor wutga riy harahu makden hande rhi' kniohlima totpa idma nhi' mak kalwiedwed lia ida, la' anni wo'itu ralamni mere la'pa anni wo'it die edon rlardoin ma'ta, yoma ntut to'ola anni wotelu reheni, de ray die nwaldoinia pa nlarna yana rhi' neka himima-rere'a hoihoi-tantiani la Uplerlawna roma kreini. La'pa edon nalo'on wali ne nhopan pa rariria hadom la' hande' mak khi' akdeha-aktiahlia gen lululi la Uplerlawna roma kreini ralamni nhi'nande Uplerlawna Nawenna. Mere ray die nden nek la hande pa la'pa ntutu-nte'ewa la' ler maka nler la yatyatni-halalli yatlorni-yatra'ani yoma Uplerlawna Nakottarg oleka pa hota nlernan niukum mak emkade.”