Popular Bible Verses from TAGA ROMA 14

Share

Ta say Panarian na Dios aliwan nipaakar ed panangan tan panaginom, no ag ingen nipaakar ed katonungan, kareenan, tan liket ya iter na Ispiritu Santo. Say manlingkur na onya ed Cristo et paliketen toy Dios tan abubonay totoo.

No mambilay tayo mambilay itayon para Katawan, tan no ompatey tayo ompatey itayon para Katawan. Kanyan mambilay man o ompatey tayo, kayaryan itayoy Katawan.

Kanyan nepeg tin panseetan a gawaen iray makapangiter na kareenan tan makapabiskeg na sakey tan sakey.

Ag tayo la mansisintinsiaan, no ag ingen saya lay talagan gawaen yo: ag kayo manggagaway pakatumbaan o pakapankasalanay agi yo.

Ta ibabagay Masanton Sulat, Dapot mabilay ak, kuay Katawan, mantalimukor ed arap ko sa amin a pueg tan balang dila mandayew ed Dios. Ebatan sirin na balang sakey ed sikatayo so sikaton dili ed arap na Dios.

Awat yoy agi yon makapoy ed pananisia, balet ag kayo la misasangsangan ed sikato nipaakar ed dilin pakatalus to.

Siopa kan manintinsiad aripey arum a too? Say katawan to labat so makapangibaga no sikato kasiy makana o andi. Magmaliw a makana, ta nayarian na Katawan a gawaen ya.