Popular Bible Verses from Salmo 91

Share

nayarian ton ibagad KATAWAN, Sikay salimbeng tan manangyagel ko! Sikay Dios ko, sika so panmamatalekan ko.

Siopamay onlan onsalimbeng ed KATAWAN, siopamay mansiansiad silong na panangyagel na Makapanyarin-amin

No ontawag irad siak ebatan ko ra; no wala rad gunigon ibaan ko ra. Iyagel tan pagalangan ko ra.

Iganggan na Dios iray anghil ton mangasikasod sika, tan mangyagel ed sikad inerman a laen mo.

Sayakopen to kad saray payak to; arawi kad kaatapan diad silong na panangasikaso to; iyagel tan ilaban ka na inkatoor to.

Lapud impasen mon manangyagel moy KATAWAN, tan manangilaban moy Sankatageyan, anggapoy maoges a nagawad sika, tan anggapoy inkaruksan nagawad abay na abung mo.

Andi-saew ya ipaliis to kad amin a maamut a kaatapan, tan diad amin a makapatey iran salot.

Anggan bilang sanlibon totooy natumban inatey ed abay mo, samplon libo ed kaliber-liber mo, anggapoy maoges a nagawad sika.

Ag mo nepeg so ontakot ed saray kaatapan no labi, odino diad biglan idogpa na saray kalaban no agew, odino diad saray salot ya onsabi no ambilonget, odino diad saray kaogsan a mamatey no maliwawa.