KATAWAN, ibangat mo ak pad labay mon gawaen ko,
et matoor ta kan onuren;
ibangat mo ak pan manlingkur ed sika diad intiron pusok.

KATAWAN, maung tan manamirdona ka,
napno kay ag mangoman a panangaro ed amin da ray mampipikasid sika.

Balet sika, Katawan, mapangasi tan maaro kan Dios,
maanos ka, maabagey tan matoor ka lawas.

Idayew ta kad intiron pusok, Katawan a Dios ko,
tan ibawag kon ando lan ando so inkatalonggaring mo.

Ontatawag ak ed sika no panaoy gunigon,
lapud eebatan moy pikakasik.

Popular Bible Verses from Salmo 86

Free Reading Plans and Devotionals related to Salmo 86