Popular Bible Verses from Salmo 69

Share

Idayew koy Dios diad panamegley na sakey a kanta; ibawag koy inkatalonggaring to diad pisalamat kod sikato.

Balet siak, mampikasi ak ed sika, O KATAWAN; ebatan mo ak pa, O Dios, ed labalabay mon panaon. Ebatan mo ak pa, lapud balbaleg a panangarom, lapud matoor kad sipan mo a mangilaban.

Ebatan mo ak pa, O KATAWAN, lapud kaabigay ag mangoman a panangarom; lingaw mo ak pa, lapud baleg a panangasim!

Dedengelen na Dios iray walad pankaukolan, tan ag to lilingwanan iray totoo tod prisowan.