Popular Bible Verses from Salmo 37

Share

Say KATAWAN so pananapan moy liket mo, et iter tod sika ray pampipilalekan na pusom.

Ipiam ed KATAWAN so bilay mo; manmatalek kad sikato, et sikay tulongan to

Mandeen kad arap to, tan mananos kan manalagar ed sikato; ag ka nagugunigon lapud saray totoon onaaligwas, odino lapud saray totoon maung so pansusumpalay maoges iran getma ra.

Manmatalek kad KATAWAN tan manggawa kay kamaungan; manayam kad dalin tan arawi kad kaatapan.

Iwawanwan na KATAWAN so sakey a too ed nepeg a pankurangan to, tan iyaagel to ray makapaliket ed sikato. No niparokul ira, ag ira mansiansian dokul, ta say KATAWAN ibaan to ran ombangon.

say inkatonung mo pasinagen ton singa agew ed kaagwan.

Ag ka mapaspasnuk o mapagpaga; gunigon labat so pansumpalan to.

Aliwa ak lan ogaw; masiken ak la, balet ag ko ni akanengneng na toon matonung ya inkainday KATAWAN, odino mipapayabol na nakan iray anak to.

Ag ka nagugunigon lapud saray totoon maoges; ag ka mangiimon ed saray manggagaway kaogsan.