Popular Bible Verses from Salmo 27

Share

Manmatalek kad KATAWAN. Mampabiskeg ka, pakpel moy linawam. On, manmatalek kad KATAWAN.

Saksakey so kinerew kod KATAWAN; saksakey so pampipilalekan kon nagamuran: say panayam kod abung na KATAWAN legay bilay ko, pian nanengneng kod may kaabigan to, tan nakerew ko so panangiwanwan to.

Say KATAWAN so silew tan kilalaban ko, kanyan anggapoy tatakotan ko. Say KATAWAN so mangyaagel ed siak ed antokaman a kaatapan; ag ak balut ontakot.

Manisia ak a nanengneng ko so kaabigay KATAWAN diad sayan bilay.

No panaoy kairapan salimbengan to ak; iyamut to ak ed Timplo to tan itapew to ak ed baton-dampay, pian ag ak nasigensigen.