Popular Bible Verses from Salmo 119

Share

Say salitam et sakey a lamparaan a mangiwanwan ed siak, tan sakey a liwawad dalan ko.

Iyootel kod pusok so ganggan mo, pian ag ak mankasalanan ed sika.

Panon a napansiansia na tobun-balo so bilay ton malinis? Diad panamegley na pangonur tod saray ganggan mo.

Maliket iray manusumpal na saray ganggan to, saray mangoonur ed sikato ed intiron puso ra.

Sikay manangyagel ko tan manangasikasok; maniilalo ak ed sipan mo.

Itdan mo ak pay pakatalus pian naonur koy ganggan mo; onuren ko ed intiron pusok.

Itdan mo ak pay pilalek a mangonur ed saray ganggan mo, aliwan say pilalek ya onyaman.

Pankaabigan ko so impakadusak, ta naaral ko lalaingen iray ganggan mo.

Anggan nen maniirap ak aligliwa ak, ta say sipan mo initdan to ak na bilay.

Pansiansia mo ak pan matoluk ed saray ganggan mo, ta pakalmoan ko ray liket.

KATAWAN, ibangat mo pad siak so kabaliksan da ray ganggan mo, et lawas ko ran onuren.

Nalmay ak la lapud kaermenan ko; pabiskeg mo ak pa, onung na insipan mo.

Agaylay panangarok ed ganggan mo! Lawas kon dadalepdepen.