Popular Bible Verses from Salmo 103

Share

Kamarerwak, idayew moy KATAWAN, tan ag mo lilingwanan so ontan lan panangasi to.

Papaandien ton amin iray kasalanan ko tan papaabigen ton amin iray sakit ko. Iyaagel to ak ed lobuk, tan ibibindision tod siak so panangaro tan panangasi. Papanoen toy bilay ko na saray kaabigan, pian makapansiansia ak a malangwer tan mabiskeg a singa agila.

Kamarerwak, idayew moy KATAWAN! Sigput ya inkatook, idayew moy masanton ngaran to!

No panoy panangasi na ama ed saray anak to, ontan met so pangakasiy KATAWAN ed saray mangigagalang ed sikato.

No panoy kaarawiy bokig ed abalaten, ontan met so kaarawiy impangekal tod sikatayo na saray kasalanan tayo.

Maaro tan mapangasi so KATAWAN, aliwan maipapasnuk tan napno na ag mangoman a panangaro.

Ag to itayo dudusaen onung ed kanepegan tayo, odino babalesen onung ed saray kasalanan tan kaogsan tayo. No panoy kaatagey na tawen manlapud dalin, ontan met so kabaleg na panangaro tod saray mangigagalang ed sikato.

Inletneg na KATAWAN so trono to ed tawen; sikatoy ari ed sankamundoan.