Popular Bible Verses from EXODO 8

Share

Sinali na saramay managsalamangka a palesaen iray timel diad panamegley na panagsalamangka ra, balet ag da nayarian. Kawalaan na timel so amin a pasen, tan inkuan na saramay managsalamangka ed ari, Say Dios so nanggawad saya! Balet anawet nin siansia so puso na ari tan onung na imbaga lay KATAWAN, ag dinmengel so ari ed kindi Moises tan Aaron.

Insan inkuan na KATAWAN ed kinen Moises, Lakad ari, ta ibagam ed sikato a say KATAWAN kuanto, Abuloyan mon onla ray totook, pian nigalang da ak.

Nen anengneng na ari ya inaatey la ra may patang, pinaawet to lamet so puso to tan onung na imbaga la na KATAWAN, ag dinmengel so ari ed kindi Moises tan Aaron.

No ag mo ra abuloyan, dusaen koy bansam diad panamegley na saray patang ya onkayat ed intiron bansam.

Say KATAWAN kuantod kinen Moises, Ibagam ed Aaron a bakbaken to na baston to so dalin, et magmaliw a timel ya amin iray dabuk ed intiron dalin na Egipto.

Say KATAWAN ginawa to so onung na imbaga to. Imbaki to ray dakerakel ya apangat diad palasio na ari tan diad kaabungan na saray opisyal to. Aderal so intiron dalin na Egipto lapud saramay apangat.