Popular Bible Verses from EXODO 32

Share

Nen anengneng na saray totoo ya ag ni inmakseb si Moises no ag ingen abaybayag lan wadmad tagey na palandey, kinumpog day Aaron tan kuandad sikato, Ag tayo amta no antoy agawad saman a toon Moises ya angipaway ed sikatayod Egipto, kanyan igawaan mo kami na sakey a dios a mangiwanwan ed sikatayo.

Say KATAWAN kuantod kinen Moises, Ganatan moy onakseb, ta saray totoom ya impaway mod Egipto et nankasalanan ira tan impolisay da ak. Sinmian la rad dalan ya ingganggan kon tombuken da; nanggawa ray inmoldoran balituk a bakan kalakyan, igagalang da tan pangibabagatan da. Ibabaga ra a sikatoy dios da ya angipaway ed sikara manlapud Egipto.

Insan si Aaron nanggawa na altar ed arap na samay balituk a bakan kalakyan tan imbawag to, Nabwas walay pista a pamagalang ed KATAWAN. Diad kabkabwasan angyakar ira na pigaran ayep ya isaklang dan bagat a popoolan tan bagat a para kareenan. Nandorongon nampista iray totoo, tan say pista et agawa ya inoman tan liketan na laman.

Diad ontombuk ya agew si Moises kuantod saray katoowan, Ambelat a tuloy so kasalanan a ginawa yo. Balet onkalab ak lamet ed palandey ta laen koy KATAWAN; angangko nagamuran koy pakapirdona na kasalanan yo.