Popular Bible Verses from ECCLESIASTES 5

Share

Mannunot ka ni kasakbayan a mansalita ka, tan ag ka bengatbengat a mansisipan ed Dios. Walad tawen so Dios tan wala kad tapew na dalin, kanyan ag mo la pasosolukan so kanepegan mon salitaen.

No say sakey a too et initdan na Dios na kayamanan tan kayaryan tan inabuloyan to a panliketan to ra, nepeg a misalsalamat tan panliketan toy nansagputan to. Rigalo ya na Dios.

No maaro kad kuarta ag kan balut napenek; no mampilalek kan onyaman ag mon balut nagamuran so amin a pilalek to. Sakey met yan andi-kakanaan.

Apiger moy kakaonlam ed Timplo. Say iyakar mon manaral ed Timplo et magmaung ni nen say pangisaklang na saray bagat a singa gagawaen na saray makulang-kulang ya ag da amtan ibiig so maung ed maoges.

Kanyan no mansipan ka ed Dios, ganatan mon sumpalen. Aliwan makapaliket ed sikato so toon makulang-kulang. Sumpal mo so insipan mon gawaen.

Maung nin ag ka mansisipan nen say mansipan ka ya ag mo sumpalen.

Malet so ogip na toon kumikimey, daiset may dakel so kinan to. Balet say toon mayaman dakel so kayaryan to, kanyan ag makaogip lapud kapagaan to.

Anggapoy awit tayo nen pinmaway tayod eges na ina tayo tan anggapo met so naawit tayo no ontaynan tayod sayan mundo. No ontaynan tayo anggapoy anggan anto a naawit tayo ed saray nansagputan tayo.