Popular Bible Verses from وحی 6

Share

باخدیم، و باخ، بئر ساری آت! و اونون اوستونده اَیلشه‌نئن اؤلوم آدی وار ائدی. اؤلولر دئیاری دا اونون دالینجا گلئردی. یر اوزونون دؤردده بئرئنئن حاکئمئیّتی اونلارا ورئلمئشدی کی، قیلینج، قحطی، وبا و یر اوزونون وحشی حیوانلاری ائله اؤلدورسونلر.

باخدیم، و باخ، بئر آغ آت! و اوستونده اَیلشه‌نئن بئر کامانی وار ائدی. و اونا بئر تاج ورئلمئشدی و او، فاتح کئمی یولا چیخدی کی، فتح اتسئن.

قوزو بشئنجی مؤهورو سیندیراندا، قوربانگاهین آلتیندا او آداملارین جانلارینی گؤردوم کی، تارینین کلامیندان و ساخلادیقلاری شهادتدن اؤتری اؤلدورولموشدولر.

اونلار اوجا بئر سسله باغیریب دیئردئلر: «ای ریئس، ای موقدّس و حقئقی اولان، نه واختا کئمی موحاکئمه اتمه‌یئب، یر اوزونده یاشایانلاردان، قانیمیزین ائنتئقامینی آلمایاجاقسان؟» و اونلارین هر بئرئنه آغ بئر شئنل ورئلمئشدی و اونلارا دیئلمئشدی کی، داها بئر آز ائستئراحت اتسئنلر؛ او واختاجاق کی، قوللوقدا اونلارلا همکار اولانلار و اونلار کئمی اؤلدورولمه‌لی اولان قارداشلارین سایی تکمئل اولسون.

و باشقا بئری، بئر کهر آت! و اونون اوستونده اَیلَشنه عطا اولموشدو کی، یر اوزوندن صولحو گؤتورسون و بو دا کی، ائنسانلار بئربئرلرئنی اؤلدورسونلر. و بؤیوک بئر قیلینج اونا ورئلمئشدی.

چونکی اونلارین قضبئنئن بؤیوک گونو گلئب و کئم دایانا بئلر؟!»

آلتینجی مؤهورو سیندیراندا باخدیم، و بؤیوک بئر زلزله باش وردی؛ گون ساچدان توخونموش بئر چول کئمی قارالدی و آی باشدان‌‌باشا قان کئمی اولدو. گؤیون اولدوزلاری دا گؤیدن یره تؤکولدولر، نجه کی، انجئر آغاجی آغیر بئر یلئن الئنده اسئب، کال انجئرلرئنی یره تؤکر.

اوچونجو مؤهورو سیندیراندا، اشئتدئم کی، اوچونجو جانلی مخلوق دیئر: «گل.» باخدیم، و باخ، بئر قارا آت! و اونون اوستونده اَیلشه‌نئن الئنده بئر تره‌زی وار ائدی. و دؤرد جانلی مخلوقون آراسیندان سس کئمی بئر شی اشئتدئم کی، دیئر: «بئر اؤلچو بوغدا بئر دئنارا، اوچ اؤلچو آرپا بئر دئنارا. یاغا و شرابا دا ضرر یتئرمه.»

گؤی بوکولن طومار کئمی چکئلئب گتدی. هر داغ و جزئره ده یرئندن گؤتورولدو. سونرا یر اوزونون پادشاهلاری، اعیانلاری، حؤکمدارلاری، وارلی‌لاری، گوجلولری، هر قول و هر آزاد اؤزلرئنی ماغارالاردا و داغلارین قایالاری آراسیندا گئزلَتدئلر.