Popular Bible Verses from وحی 3

Share

باخ، قاپیدا دوروب دؤیورم: کئم سسئمی اشئدئب، قاپینی آچسا، اونون یانینا ائچه‌ری گئره‌جه‌یم. من اونونلا، او دا منئمله شام یئیه‌جه‌یئک.

”سنئن عمللرئندن خبرئم وار. نه سویوقسان، نه ده ائستی. کاشکی یا سویوق یا دا ائستی اولسایدین! مادام کی، ائلیقسان، نه ائستئسن نه سویوق، سنی آغزیمدان اشئیه قوساجاغام.

من سِودئکلرئمی مذمّت ادئب اونلارا تربئیه ورئرم. بونا گؤره، قیرتلی اول و تؤوبه ات.

”سنئن عمللرئندن خبرئم وار. باخ، سنئن قاباغیندا آچیق بئر قاپی قویموشام کی، هچ کس اونو باغلایا بئلمز. اونا گؤره کی، سنئن گوجون آزدیر و منئم کلامیمی حئفظ ادئب، آدیمی دا دانماییبسان.

قالئب گلنه بونو عطا اِده‌جه‌یم کی، منئمله تختئمئن اوستونده اوتورسون، نجه کی، من ده قالئب گلئب آتامین تختئنده اونونلا اوتوردوم.

چونکی دیئرسن: وارلی‌یام، دؤولتلی اولموشام و هچ بئر شیه مؤحتاج دیئلم. و بئلمئرسن کی، مفلوک، ذلئل، یوخسول، کور، و لوتسن.

تاب گتئرمک حاقّیندا اولان کلامیمی حئفظ اتدئیئنئز اوچون، من ده سنی ائمتاحان ساعاتیندان حئفظ اده‌جه‌یم. او ساعاتدان کی، عنقرئب بوتون دونیایا گلئب، یر اوزونده ساکئن اولانلاری ائمتاحانا چکه‌جک.

تزلئکله گلئرم؛ نه واریندیر، مؤحکم توت، اِله کی، هچ کس سنئن تاجینی آلماسین.

اویان و اؤلومه یاخین اولان قالانلاری قووّتلندئر. چونکی تاریمین نظرئنده سنئن عمللرئنی کامئل تاپمامیشام.