Popular Bible Verses from فئلئپئلی‌لره 4

Share

هچ بئر شی اوچون نئگاران اولمایین، آمّا هر شیده خاهئشلرئنئزی دوعا، ائستئغاثه و شوکورله تارییا بئلدئرئن.

و تارینین هر فهمدن افضل اولان باریشی، مسئح عئسادا، اورَکلرئنئزی و فئکئرلرئنئزی موحافئظت اده‌جک.

نهایت، قارداشلار، هر نه کی، دوغرو، حؤرمتلی، دوز، پاک، سِومه‌لی و اعتئبارلی‌دیر، اگر فضئلتلی، اگر تعرئفه لایئق بئر شی وار، فئکرئنئزی بونلارین اوستونه قویون.

منه قووّت ورن مسئحله هر شیه قادئرم.

همئشه ربده شادلیق ادئن. بئر ده دئیه‌جه‌یم: شادلیق ادئن!

و منئم تاریم، مسئح عئسادا اؤز شؤوکتئنئن وارلیلیغینا موطابئق، سئزئن بوتون احتئیاجلارینیزی فراهم اده‌جک.

و منده اؤیر‌ندئیئنئز، قبول اتدئیئنئز، اشئتدئیئنئز و گؤردویونوز شیلری یرئنه یتئرئن و باریش تاریسی سئزئنله اولاجاقدیر.

قویون سئزئن حلئملئیئنئز بوتون ائنسانلارا معلوم اولسون. رب یاخیندیر.

اسکئکلئکده یاشاماغی بئلئرم، آرتیقلیقدا یاشاماغی دا بئلئرم. هر شیده و هر حالدا توخ قالماق و آج قالماق، آرتیقلیقدا یاشاماق و احتئیاج ائچئنده عذاب چکمه‌یئن سئرّئنی اؤیر‌نمئشم.

بونلاری احتئیاج اوزوندن دمئرم، چونکی اؤیرنمئشم کی، هر حالدا اولسام، نجه قَناعت ادم.