Popular Bible Verses from متّا 6

لاکئن سئز اوّلجه تارینین پادشاهلیغینی و اونون صالحلئیئنی آختارین و بونلارین هامیسی سئزه آرتیقلیقلا ورئله‌جک.

بونا گؤره، صاباح اوچون نئگاران اولمایین؛ چونکی صاباحکی گون اؤزو، اؤز فئکرئنده اولاجاق. هر گونون اؤزو اوچون اؤز نئگارانچیلیغی وار.

بونون اوچون سئزه دیئرم: جانینیز اوچون نئگاران اولمایین کی، نه ییئب نه ائچه‌جکسئنئز، یا دا نه گِیه‌جکسئنئز. مگر جان یمکدن و بدن گیمکدن داها افضل دیئل؟!

لاکئن سن، دوعا اتدئیئن واخت، اؤز اوتاغینا گئر و قاپینی باغلاییب، گئزلئنده اولان آتانا دوعا ات. گئزلئنی گؤرن آتان دا سنه عوضئنی وره‌جک.

بونون اوچون بله دوعا ادئن: ای گؤیلرده اولان آتامیز، سنئن آدین موقدّس اولسون. سلطنتئن گلسئن. سنئن ائسته‌دئیئن، گؤیده اولدوغو کئمی، یرده ده اولسون.

گونده‌لئک چؤره‌یئمئزی بو گون بئزه ور.

و بئزئم بورجلاریمیزی بئزه باغیشلا، نجه کی، بئز ده، بئزه بورجلو اولانلاری باغیشلاییریق.

بئزی ائمتاحانا چکمه، لاکئن شردن خئلاص ات. چونکی سلطنت، قودرت و عئزّت ابده کئمی سنئندئر. آمئن.

چونکی اگر ائنسانلارین سئزه اتدئیی گوناهلارینی باغیشلایاسینیز، گؤیلرده اولان آتانیز دا سئزی باغیشلار.

گؤیون قوشلارینا باخین؛ اونلار نه اکئرلر، نه بئچئرلر، نه ده آنبارلارا ییغیرلار. لاکئن گئنه ده، گؤیلرده اولان آتانیزدیر کی، اونلاری دویورور. مگر سئز اونلاردان داها افضل دیئلسئنئز؟!

یر اوزونده اؤزونوزه خزئنه‌لر ییغمایین؛ اورادا گووه و پاس اونلاری محو ادر؛ و اوغرولار اورانی یاریب اوغورلارلار. آمّا اؤزونوزه گؤیده خزئنه‌لر ییغین کی، اورادا نه گووه محو ادر نه پاس؛ نه ده اوغرولار اورایا گئرئب اوغورلارلار. چونکی خزئنه‌نئز هارادا اولسا، اوره‌یئنئز ده اورادا اولاجاقدیر.

هچ کئم ائکی آغایا قوللوق اده بئلمز؛ چونکی یا بئرئندن نئفرت ادئب او بئرئسئنی سوه‌جک، یا دا بئرئنه باغلی قالیب او بئرئسئنه حقارتله باخاجاق. سئز هم تارییا، هم ده پولا قوللوق اده بئلمزسئنئز.

اگر تاری بو گون مؤوجود اولوب صاباح اوجاغا آتیلان اوتو بله گیئندئرئر، آیا سئزی داها آرتیق گیئندئرمیه‌جک، ای آز ائمانلی‌لار؟!

لاکئن سن، صدقه وردئیئن واخت، قوی سول الئن ساغ الئنئن نه اتدئیئنی بئلمه‌سئن. صدقن گئزلی اولسون؛ گئزلئنی گؤرن آتان دا سنه عوضئنی وره‌جک.

دئقّت ادئن کی، یاخشی عمل‌لرئنئز ائنسانلارا اؤزونوزو گؤرسدمک اوچون اولماسین. یوخسا گؤیلرده اولان آتانیزین یانیندا اجرئنئز اولمایاجاق.

اوروج توتدوغونوز زامان رئیاکار آداملار کئمی قاشقاباقلی گزمه‌یئن؛ چونکی اونلار، اؤزلرئنی ائنسانلارا گؤرسدمک اوچون، گؤرونوشلرئنی دیئشئرلر. دوغروسونو سئزه دیئرم؛ اونلار بوتون اجرلرئنی آلیبلار. لاکئن سن، اوروج توتدوغون واخت، باشینا یاغ سورت و اوزونو یو؛ اله کی، آداملارا یوخ، گئزلئنده اولان آتانا اوروجلو گؤرونه‌سن. و گئزلئنی گؤرن آتان دا سنه عوضئنی وره‌جک.