Popular Bible Verses from یعقوب 3

Share

لاکئن یوخاریدان نازئل اولان حئکمت اوّلن پاکدیر، سونرا باریشان، مولایئم، منطئقلی، مرحمت و یاخشی ثمره‌لردن دولو، قَرَضسئز، رئیاسیز.

آرانیزدا حئکمتلی و فراستلی اولان کئمدئر؟ قوی او، عمللرئنی حئکمتئن حلئملئیئنده یاخشی رفتاری ائله گؤرسدسئن.

صالحلئیئن میوه‌سئنی بار ورن توخوم، باریشانلارین واسئطه‌سئله باریشدا اَکئلئر.

چونکی پاخیلّیق و منصبطلبلئک هر یرده اولسا، قاریشیقلیق و هر جور پئس شی ده اورادیر.

اونونلا بئز رب و آتانی موبارک چاغیریریق و اونونلا تارینین صورتئنده یارانان ائنسانلاری لعنت ادئرئک. همن آغیزدان هم برکت چیخیر، هم ده لعنت! قارداشلاریم، بو بله اولمامالی‌دیر.

دئل بئر اوددور. حاقسیزلیق عالمی‌دئر. دئل عوضولرئمئزئن آراسیندا اله یر آلیب کی، بوتون بدنی نجئس ادئر، حیاتین دؤورانینی اودا چکئر، جهنّم طرفئندن ده آلوولاندیریلیر.

آمّا دئلی هچ کس رام اِده بئلمز. آرام توتمایان شردئر، اؤلوملو زهردن دولودور.

قارداشلاریم، مبادا سئزلردن چوخونوز موعلّئم اولماق اوچون جان آتاسینیز، چونکی بئلئرسئنئز کی، بئز داها شئدّتلی موحاکئمه اولوناجاغیق.