Popular Bible Verses from ۲تئموتاعوسا 1

Share

دوغرودان دا کی، تاری بئزه قورخو روحونو یوخ، قودرت، محبّت و ائنضئباط روحونو ورئب.

او تاری کی، بئزه نئجات وردی و بئزی موقدّس بئر دعوتله چاغیردی، عمل‌لرئمئزه گؤره یوخ، اؤز مقصد و فیضئنه گؤره کی، ازلدن مسئح عئسادا بئزه عطا اولوندو.

بو سببدن سنه خاطیرلادیرام کی، منئم اَل قویماغیمین واسئطه‌سی‌ائله سنده اولان تارینین عطاسینی تزه‌دن آلوولاندیراسان.

بونا گؤره ربّئمئزئن شهادتئندن اوتانما، نه ده مندن کی، ربّئن زئندانئسی‌یَم. لاکئن ائنجئلئن عذابلاریندا تارینین قودرتئنه گؤره شرئک اول.

بو سببدن ده بو عذابلاری چکئرم، آمّا اوتانمیرام. چونکی کئمه ائناندیغیمی بئلئرم و یقئن گتئرمئشم ده کی، اونا امانت وردئیئمی او گونه کئمی حئفظ اتمه‌یه قادئردئر.