Popular Bible Verses from ۲قورئنتلی‌لره 5

Share

بونون اوچون کئم مسئحده‌دئر، تزه مخلوقدور. کؤهنه شیلر کچدی؛ باخ ائندی هر شی تزه اولوب.

او، گوناهی بئلمه‌ینی، بئزئم عوضئمئزده گوناه اتدی کی، بئز اوندا تارینین صالحلئیی اولاق.

چونکی گؤرونوشله یوخ، ائمانلا رفتار ادئرئک.

بونلارین هامیسی تاریداندیر. او تاریدان کی، بئزی مسئحئن واسئطه‌سی‌ائله اؤزو ائله باریشدیردی و بئزه باریشدیرما خئدمتئنی وردی. یعنی، تاری مسئحده اولوب، دونیانی اؤزو ائله باریشدیریردی و تقصئرلرئنی اونلارا سایماییردی و باریشدیرما کلامینی بئزئم ائچئمئزده قویوب.

دمه‌لی بئز مسئحئن الچئلرئیئک. اله بئل کی، تاری بئزئم واسئطه‌مئز‌له ائرتئباط قورور. مسئحئن عوضئنده سئزه یالواریریق کی، تاری ائله باریشاسینیز.

و او هامی اوچون اؤلدو کی، یاشایانلار آرتیق اؤزلری اوچون یوخ، اونلارین یولوندا اؤلن و دئرئلن اوچون یاشاسینلار. بونا گؤره بئز ائندئدن بله هچ کئمی جئسمانی باخیمدان تانیمیریق؛ اگر مسئحی جئسمانی باخیمدان تانیمیش اولساق دا، آرتیق ائندی اِله تانیمیریق.

چونکی مسئحئن سوگئسی بئزی زورلاییر و بئز قانع اولوروق کی، هامی اوچون بئری اؤلدو، بله‌جه هامی اؤلدولر.