Popular Bible Verses from ۲قورئنتلی‌لره 4

Share

چونکی بئز گؤرونن شیلره یوخ، گؤرونمه‌ین شیلره باخیریق. اونا گؤره کی، گؤرونن شیلر کچئب-گدن، آمّا گؤرونمه‌ین شیلر ابدی‌دئر.

بونا گؤره بئز یورولموروق؛ ظاهئری وارلیغیمیز پوزولسا دا، داخئلی وارلیق گوندن-گونه تزه‌لنئر. چونکی کچئب-گدن یونگول موصئبتلرئمئز بئزئم اوچون اله بؤیوک و ابدی بئر شؤوکت حاصئل ادئر کی، هچ بئر شیله موقایئسه اولونا بئلمز.

هر طرفدن موصئبت آلتینداییق، آمّا ازئلمه‌مئشئک. حیرانیق، آمّا چاره‌سئز دیئلئک. عذاب چکئرئک، آمّا ترک اولونموش دیئلئک. ییخیلیریق، آمّا هلاک اولمامیشیق.

آمّا بو ثروتی ساخسی قابلاردا ساخلاییریق کی، بو لاپ اوستون قودرت بئزه یوخ، تارییا عایید اولسون.

یعنی او ائمانسیزلارا کی، بو عصرئن آللاهی اونلارین ذهئنلرئنی کور ادئب. اِله کی، تارینین صورتی اولان مسئحئن شؤوکتئنئن خوش خبرئنئن نورو اونلاری آیدینلاتماسین.

چونکی «قارانلیقدان ائشیق پارلاسین» دئین تاری، اله اودور کی، اورَکلرئمئزده ائشیقلانیب. اِله کی، مسئحئن جامالیندا تارینین شؤوکتئنئن معرئفتئنئن نورونو عطا اتسئن.