Popular Bible Verses from ۱پطروس 4

Share

هر شیدن اوّل بئربئرئنئزه اولان محبّتی جوشقون ساخلایین، چونکی محبّت بئر چوخ گوناهین اوستونو اؤرتر.

هر کس نه عطا آلیب، تارینین قاتباقات فیضئنئن ناظئری کئمی، اونو بئربئرئنئزئن خئدمتئنده ائشه سالسین.

دانیشان اِله دانیشسین کی، اِله بئل، تارینین سؤزلرئنی نقل ادئر. خئدمت ادن، تارینین وردئیی قووّتله خئدمت اتسئن کی، تاری، هر شیده، عئسا مسئحئن واسئطه‌سی‌ائله عئزّت تاپسین کی، عئزّت و سلطنت ابددن ابده کئمی اونوندور. آمئن.

لاکئن اگر بئر مسئحی کئمی عذاب چکئر، قوی اوتانماسین. لاکئن قوی بو آددا تارینی عئزّتلندئرسئن.

هر شیئن آخیری یاخیندیر. بونا گؤره، عاغیلینیزی باشینیزا ییغین و دوعالار اوچون آییق دورون.

سوگئلئلر، ائمتاحانینیز اوچون آرانیزدا باش ورمئش اولان بو حئدّتلی اوددان تعجّوب اتمه‌یئن کی، گویا قرئبه بئر شی باشینیزا گلئر. لاکئن مسئحئن عذابلاریندا شرئک اولدوغونوز اوچون سوئنئن، اِله کی، اونون شؤوکتئنئن ظوهوروندا دا بؤیوک شنلئکله سوئنه‌سئنئز.

گئلِیلئک اتمه‌دن بئربئرئنئزه قوناقپرورلئک ادئن.

بونون اوچون، قوی تارینین ائراده‌سئنه موطابئق عذاب چکنلر، یاخشیلیق اده‌رک جانلارینی امئن اولان خالئقه تاپشیرسینلار.

بله‌جه، چونکی مسئح بئزئم اوچون جئسمن عذاب چکدی، سئز ده اِله او مقصدله سئلاحلانین. اونا گؤره کی، جئسمن عذاب چکن گوناهدان آرتیق کسئلئب کی، جئسمده قالان واختینی آرتیق ائنسانلارین شهوتلری اوچون یوخ، تارینین ائراده‌سی اوچون یاشاسین.

اگر مسئحئن آدیندان اؤتری تحقئر اولوناسینیز، خوش حالینیزا! چونکی شؤوکتئن و تارینین موقدّس روحو سئزئن اوستونوزده ساکئندئر.