Popular Bible Verses from Roomanko'en 8

Share

En andi nder koo ɗume Allah e huwa ngam ɓeydaari yimɓe giɗɓemo, ɓe o suɓi non no o yiɗiri.

Ngam mi tabbitinii walaa ko waawata haɗa Almasiihu yiɗuki'en, koo mayde, koo yonki, koo malaa'ika'en, koo ko laamotoo dow, koo jaamanu ɗu'um, koo jaamanu garayɗum, koo bawɗe, koo ko woni e dow, koo ko woni e ley, walaa goɗɗum nder fuu ko tagaa baawayɗum haɗa Allah yiɗuki'en yidde nde o hollata'en barka Yeesu Almasiihu Joomiraawo meeɗen.

Non maa, Ruuhu Allah e walla'en to tampuɗen. Ngam en andaa no haani ngaɗiren do'aare, ammaa Ruuhu Allah e hoore maajum e toroo Allah ngam meeɗen carel ngel ndulluɗen ko mbi'eten en otta.

Ɗume mbi'eten dow fii ɗu'um? To Allah e wondi e meeɗen, moye waawata heɓa jaalorgal dow meeɗen?

Ngam non, jooni ɗum taƴantaa ɓen ɗon cumpootirooɓe e Yeesu Almasiihu kiita halkere.

Yowuki ɓernde dow ko ɓandu yiɗi e ɗum fooɗa halkere, ammaa yowuki ɓernde dow ko Ruuhu Allah yiɗi e ɗum wadda yonki e jam.

Naa' non, nder fuu fii ɗu'um en keɓii jaalorgal barka Almasiihu giɗɗo'en.

Mi tabbitinii torra ka njareten jooni ka hewtaayi ka hawtee e teddungal ngal ɗum teddinta'en ɗo'o yeeso.

Ɗume waawata senda'en e yidde nde Almasiihu yiɗi'en? Ɗum torra kalluka, koo bone, koo halleende yimɓe, koo weelo, koo ciya kolte, koo nganyaandi yimɓe, koo mayde?

Nden Allah anduɗo ko woni nder ɓerɗe meeɗen, e mo andi ko Ruuhu yiɗi, ngam Ruuhu e toroo Allah ngam yimɓe maako non no o yiɗiri.

Ngam fuu yimɓe ɓe Ruuhu Allah tokkinta ɓe ɓiɓɓe Allah.

Yimɓe gaɗooɓe ko ɓalli maɓɓe ngiɗi, e ɓe njowa ɓerɗe maɓɓe dow ko ɓalli maɓɓe ngiɗi. Ammaa yimɓe gaɗooɓe ko Ruuhu Allah wi'i, e ɓe njowa ɓerɗe maɓɓe dow ko Ruuhu Allah yiɗi.

Allah haɗaayi Ɓiɗɗo muuɗum yarki torra, ammaa o hokkiimo ngam o sakkee ngam meeɗen en fuu. Nde o waɗii non, o hokkataa'en koo ɗume caahu?

Ruuhu Allah e hoore maajum hawti e ɓerɗe meeɗen tabbitinta enen en ɓiɓɓe Allah. Jooni nde en ɓiɓɓe, en ngartii donooɓe. En ndonay fii boɗɗum ɗum Allah resani yimɓe maako, kadin en donidooɓe e Almasiihu, to ni en njardii torra e maako ngam keɓen teddungal hawti e maako.

Ngam yowuki ɓernde dow ko ɓandu yiɗi ɗum wanyuki Allah, ɗum tokkataa ko dooka Allah wi'i, ɗum waawataa waɗukiɗum.

Fuu ko tagaa e heɗii e haaɓi ngam yi'a Allah wanginii ɓiɓɓe muuɗum.

En andi haa jooni fuu ko tagaa e otta ngam nawɗum no debbo piidoowo e nawɗum danyngol ottirta.