Popular Bible Verses from Roomanko'en 5

Share

Ammaa laawol ngol Allah hollii'en yidde maako woni, carel ko ngonɗen nder hakke, Almasiihu maayii ngam meeɗen.

Kammunde nden semtintaa'en, ngam Allah holli'en e mo yiɗi'en nder ɓerɗe meeɗen barka Ruuhu maako, ɗum o hokki'en.

Naa' non tan, haa maa en mbelmbelta nder torraaji ɗi njareten, ngam en andi yaruki torraaji e wadda munyal. To en munyii nder torra, en keɓay ngikku ɗum Allah yiɗi, to o yiɗii ngikku meeɗen, non waɗay ngaɗen kammunde.

Ngam non, nde Allah wartiri'en aadili'en ngam en koolake Yeesu Almasiihu, en ciryootirii e Allah barka Joomiraawo meeɗen Yeesu Almasiihu. Barka maako keɓuɗen laawol heɓuki ɗu'um caahu Allah ɗum gonɗen nder jooni. Ɗonmaa en mbelmbelta ngam en tabbitinii Allah hollay'en teddungal muuɗum.

Nder carel ngel tampuɗen, Almasiihu maayii ngam gaɗooɓe hakke nder carel ngel Allah suɓi.

Nde jooni en ngartii aadili'en barka ƴiiƴam Almasiihu, fii ɓurɗum tabbutuki woni o hisnay'en daga monnere Allah garaynde.

Non no yimɓe ɗuɗɓe ngarti gaɗooɓe hakke ngam neɗɗo go'oto wanyii ko Allah wi'i, non maa yimɓe ɗuɗɓe ngartay aadili'en ngam neɗɗo go'oto waɗii ko Allah yiɗi.

Ammaa naa' kanjum tan, haa maa en nana belɗum ngam ko Allah waɗi barka Joomiraawo meeɗen Yeesu Almasiihu, ciryootirɗo'en e Allah jooni.