Popular Bible Verses from Roomanko'en 12

Share

To' on njaɓu nyumo mooɗon warta iri ngo yimɓe ɓe tokkaayi Yeesu, ammaa alee Allah mo''ina jonde mooɗon e nyumol mooɗon, ngam paamon ko o yiɗi ngaɗon, waato ko wooɗi, e ko welnantamo ɓernde, e no njooɗortooɗon jonde kewnde.

Ngam maajum bandiraaɓe am, ngam yurmeende mawnde nde Allah holli'en, e mi toroo'on, kokkee Allah ko'e mooɗon bo cakkiri ciryaandi ngam kuugal maako, mbelnanayndimo ɓernde. Non woni no haani mawniniron Allah.

Nanee belɗum ngam kammunde nde gooduɗon, munyee nder torraaji ɗi njaroton, ngaɗee ka waɗuki do'aare koo ndeye.

Taa' alu halleende heɓa jaalorgal dow maaɗa, ammaa heɓu jaalorgal dow halleende laawol waɗuki ko wooɗi.

Njogootiree, ngiɗindiree bo bandiraaɓe, kokkee yimɓe mangu bo ɓe ɓurii'on.

Kollee yimɓe yidde nde goonga. Nganyee koo iri ndeye halleende, njogee ko wooɗi sembee.

Ngaɗee ko mbaawoton waɗuki to ɗum waɗoto njooɗodooɗon jam e koo moye.

Higooɓe am, to ɗum waɗanii'on ko halli, to' on ngaatano ko'e mooɗon, ammaa alee Allah waatanoo'on e monnere maako. Ngam aayaare wi'ii, “Joomiraawo wi'i, ‘Min woni gaatotooɗo, mi waatoto.’ ”

To' on alu tokkuki Joomiraawo mooɗon feewa, ammaa kuwaneemo e ɓernde go'o.

Ngam caahu ɗum Allah hokkiyam, e mi wi'a koo moye mooɗon, to' hocca hoore muuɗum ko ɓuri no haani. Ammaa koo moye faama no hocciri hoore muuɗum. Koo moye hocca hoore muuɗum ko fottidi e hoolaaki Allah ki Allah hokkimo.

To' on ngaato halleende e halleende, ammaa paamee ngam ngaɗon ko koo moye yi'ata ɗum boɗɗum.

Njooɗee jonde jam hakkunde mooɗon. To' on mawnin ko'e mooɗon, ammaa kawtee ko'e mooɗon e yimɓe ɓe ɗum hocci naa' ɓe goɗɗum. To' on koccu ko'e mooɗon bo on ɓurii yimɓe koriiɓe faamu.

Wonde aayaare wi'ii, “To ganyo maaɗa e nana weelo, hokkumo ko o nyaamata; to e mo nana ɗonka, hokkumo ko o yarata; ngam taa waɗii non, ɗum wartay bo a moɓtanamo docce hiite dow hoore maako.”

Mbarkiɗinee torrooɓe'on, mbarkiɗineeɓe, to' on laanuɓe. Nandee belɗum e nanooɓe belɗum, mboydee e boyooɓe.

Cendidee ko ngooduɗon e yimɓe Allah giɗuɓe walleeki, njaɓɓee hoɓɓe nder gureeje mooɗon.

En ngoodi jokkooɗe ɗuɗɗe e ɓalli meeɗen, nden koo ndeye jokkoode e woodi kuugal muuɗum. Non maa, koo nde en yimɓe ɗuɗɓe, en ngartii bo ɓandu go'o ngam en koolake Almasiihu, en fuu en njokkootiri no jokkooɗe ɓandu njokkindiri.