Popular Bible Verses from Mateo 4

Share

Sinfat magtek Jesus ay nangwanin, “Kanan nan naisolat ay kalin Apo Dios, ‘Faken yangkhay nan tinapay nan maikatakho, mod-i ket kasapolan nan am-in ay cha ifaag Apo Dios.’ ”

Sa et kinwanin Jesus ken siya, “Komaan ka Satanas! Tay naisolat isnan kalin Apo Dios, ‘Chayawem nan Apo ay Diosmo, et siya yangkhay nan ensilfiyam.’ ”

Sa et kinwanin Jesus, “Wen, ngem kanan met akhes nan naisolat ay kalin Apo Dios en, ‘Ad-im padpachasen/teptepngen nan Apo ay Diosmo.’ ”

Sa et inpangon nan Ispirito Santo si Jesus isnan ponchag ta sas-ailowan nan chimonyo. Ya nentiptipe siya isnan epat poo ay akhew ya lafi, kakwasana ya ket ay naowaowat.

Sa na't kinwani ken chaicha, “Maifoweg kayo ken sak-en, et isolok nan angnenyo'y mangamong isnan takho ken sak-en.” Chag-as cha't ya taynan isnan tafokorcha ya naifoweg cha ken siya.

Siya chi san nangilapowan Jesus ay nen-ipap-alawakhan ay nangwanin, “Chokokhanyo nan fasolyo, tay nganngani et nan en-ap-apowan Apo Dios.”