Popular Bible Verses from Genesis 35

Share

Kinwanin Apo Dios, “Sak-en nan Dios ay Makabfalin Am-in. Makhanakhanak ka, et maiwaned ken sik-a nan takho isnan angsan ay ili, et sik-a nan ikit si kaaliali. At ichowak ken sik-a nan lota ay inchowak ken cha Abraham ken Isaac, ya ichowak akhes isnan cheycha'y wanen-edmo.”

Ta taynan tako isna ta omey tako id Betel, ay manoppingak isnan altar ay enchayawan tako ken Apo Dios ay finmachang isnan likhatko ya wawawawad-ay isnan am-in ay inay-ayak.”

Kinwanin Apo Dios, “Milapo idwani faken et Jacob nan ngachanmo mod-i ket Israel.” Et siya chi ay nginadnan Apo Dios siya is Israel.

Sa et kinwanin Jacob isnan pangafongna ya isnan am-in ay takhona, “Kaanenyo nan teketeken ay chiosyo. Pakhawisenyo nan okhaliyo ya chalosanyo nan fachoyo.

Idwani, kinwanin Apo Dios ken Jacob, “Enligwat ka ta omey ka id Betel ya kanatee ka ischi. Tomoping ka is altar sid-i ay enchad-ayawam ken sak-en ay Dios ay nenpaila ken sik-a issan chey ay ilaylayawam si yon-am ay Esau.”

Ngem matmatey et si Raquel. Isnan matmateyana nginadnana nan anakna is Benoni. Ngem ket ay nginadnan amana nan onga is Benjamin.