Popular Bible Verses from Lom 12

Share

Ásuli tɛ dũnia tiaɛ bee tufaio. À to Lua á lilɛ, á laasoo i dafukũ, kɛ́ à e à aà pɔeã dɔ̃, yã pɔ maa mɛ́ ì kɛɛ̀ mɛ́ à asaa.

Ayãmɛto ma gbɛ̃́ɔ, lá Lua wɛ̃nadɔ̃̀wɛ̃ɛ màa, ma wabikɛ̀wá à ázĩa kpawà sa'obɔ bɛ̃́ɛ sãasai pɔ ì kaaagu ũ. Beewa wì kulɛɛ̀ a zɛ́wa.

Àli pɔnakɛ yã pɔ á wɛ́ dɔi musu. Àli mɛnafɔ̃ taasikɛa guu. Àli mɛkpa wabikɛawa.

Nsuli tó vãi zĩblemao. Nili zĩblewà ń maakɛao.

Àɔ gbɛ̃kɛ vĩ ń kɔ̃o nana. Àɔ kɔ̃ kpɛla ń pɔnao.

Àɔ yekɔ̃i ń nɔsɛmɛndoo. Àli mikɛ̃ vãiwa, í zɛ ń maao.

Tó a zɛkɛ̀ɛ́, àɔ na ń gbɛ̃piio.

Ma gbɛ̃́ yenzideɔ, ásuli tɔsi gbɛ̃́wao, à aà to ń Luao. Wa kɛ̃̀ wà mɛ̀: Dii mɛ̀ ámɛ á tɔsimá, ámɛ á fĩabonɛ́.

Àɔ ãia vĩ zigbiasai, iɔ wãa ń zĩkɛa Diiɛo.

Gbɛ̃kɛ pɔ Lua kɛ̀mɛɛ yãi ɔ̃ malɛ o ápiiɛ, ásuli ázĩa maabo dɛ a maa lɛ́ao. Á baade lí azĩa dilɛ lá a dɛwa, lá Lua aà gbà zɛ́ aà a naaikɛwa.

Ásuli vãi fĩabo ń vãioo. Àli yã pɔ maa gbɛ̃piiɛ kɛ.

Àli nɔsɛdoũkɛ ń kɔ̃o. Ásuli dɛnlawɛɛlɛo. Àli gbɛ̃kpa ń yɛ̃ɛɛsaideɔ. Ásuli ázĩa dilɛ yãdɔ̃naɔ ũo.

Tó nɔana lɛ́ n ibɛɛ dɛ, blɛ kpawà. Tó imiɛ, ǹ aà gba í. Tó nlɛ kɛ màa, nlɛ aà ɔ kaɛ̀ a lɛuɛ.

Àli samaa'o á ĩadamadeɔnɛ. Àli samaa'onɛ́, ásuli ń kao. Àli pɔnakɛ ń pɔnakɛnaɔ, àli ɔɔlɔ ń ɔɔlɔnaɔ.

Àli dɔnlɛkɛ Lua gbɛ̃́ pɔ pɔ lɛ́ kɛ̃sãmáɔnɛ. Àli wɛtã ń nibɔfɔ̃ao.

Gbɛ̃nazĩna mɛ mɛndoɛ, ãma a guɔ vĩ dasi, an baade ń a zĩoɛ. Màaɛ, baa ń wá dasikɛo, wá mɛ doũɛ naa Kilisiwa guu, wá kɔ̃ mɛguɔ ũɛ.