Popular Bible Verses from 2 Korin 4

Share

Magi baso meni. Dago te gedugo e tǫde subo nai dabeba dago tonǫlǫ me ebo meni. Te menio. Dago koneani, dago gedugo subo nai, te pęwadage sogo naga elaluaibao. Tama dago gedugo te susiąbo nai, te sesemane sogo bidada peyu, bidada paibao. Tama tibaso, te tobage naiba naga dago dena gedugo tonǫlǫ ebo dao.

Dago te homugo konebaso, tama da Godigo sęde bomo kimi munu me isibo menio. Te mu tama, dago tigi dolainogo ebo dao. Tiali goli magigo meni, dago homu dali noma dali si te tigidali deli deli sogo gesi ma pedaliyu ebo dao. Te e tiwai: te da Godigo po pusubo bidi dabe, te dabolo pedalubo sęgę te dwasianu dao, tama te pęwadage sogo naga osogo elaluaibao. Tama da e tǫde bidibadi te sęgę tolobaso, nosali dagalude dago te sesemane sogo bugagia bidada peyu, bidada pabo wiegi yai nai mu saibao. Tama te dagalude bugagia bidabo te wiegi yai sęgo te dago megi elalubo dwasianu sęgę aiyaba mu elaluaibao, te wiegi yai mu naga yaibao.

Edao. E tiwai dao, te tigidali badu te bidi dabego dabolo te sęgę madu gebo dao, tiali goli tego da mu dolobeo. Te hauwa sogo dago dena pabo tų hania konebo menio, tiali goli tigidali sogo dena tų me elalubo dao, te mu dąų wabeo. Tama tibaso da Godigo sęde bomo kimi munu me isibo menio. Te boi bidi dabe augwaligo dwai sę da dali yainogo da pobesa bilidu gebo dao, tiali goli Godigo da me tagalobeo. Augwaligo da elama tulaluidu gebo dao, tiali goli da mu me dolobeo.

Tiali goli ena dali, te ena dali deli sę ebo bidi dabe dali, dena te bomo yai ulade po pusubo wiegi yai sę elalubo, te tǫgo nigai olo sene tomode elalubo tiwai ebao, te dena isibo tigide naga elalubo dao. Te tigidali bidigo konemainogo ebao, te Kraisde wiegi yai gesi po pusubo sę ebo wiegi yai genuai bomo mu, te Godigo bomo naga dao. Te dago menio.

Magi baso meni. Te e tǫde tibo god Satan agai te Kraisgo poba augwa homu begi pisąbo bidi dabe augwaligo homu kone tuą palali. Magi baso meni, Krais aga da te God tiwai mu dao, tama agai dabolo Godigo noma mu hanilibo dao. Tama te Kraisgo genuai bomo yai ula waselabo wiegi yai gesi po, te po te giliga nanobo tiwai dao. Tiali goli te hagayabo we bidi augwaligo te pogo nanobo ula suidali weyu, Satan agai augwaligo homu kone puna palama tuą palali.

Magi baso meni, e tiwai dao. Polobadu mu Godigo te po wai, “Te be hulia sai madi ula pedalomainao,” wai. Tama te po wali God aga ula digi da dali bidibao, tama da homu ula mu ilibo. Te ula e dao: dago te Godigo bomo yai ula te Krais gesabidide elalubo koneai dao.