Popular Bible Verses from 2 Korin 1

Share

Dago agabolo puba hwi po weyu, tama God nogi ugwaba sao, aga te God tama dago Genuai Bidi Jisas Kraisgo Aya dao. Aga te dago Aya, tama aga te hobede eyu tau sabo page bidi dao. Aga te tigidali sęgę elalubo bidigo homu nagame ilibo God dao. Te tigidali dene mabo sęgę daba pedalobo agai te dago homu nagame ilibo dao. Magi basowe? Agai da homu nagame ilibo kolesagago naga dago te haniani sęgę elalubo bidi dabe augwali homu nagame ilimainogo eyu, te Godigo da homu nagame bugagia ilibo dao.

Magi baso meni, te Kraisgo tolali genuai dene, te dago me te tiwai naga tolobao. Tama tiali goli, te sogo me te Kraisgo genuai homu nagamego da pągąnai dao, te nagame ilibo kolesaga te dene tiwai si pedalobo dao.

Mu po da wali, te da homu sęgę ebo te po tų ebo bidi jasgo te da isimainao po wali tiwai elama bidali. Te sęgę dabe te tiwai magi baso pedalaliwe? Te dena bomogo usu yabo homu idali weyu te sęgę daba pedalali. Dago te Godigo bomoba homu tialumainogo yai, te agai te isai bidi dabe augwali hodolobo bidi dao.

Tama Godigo digi da dali dage dali bomo ilama, tama da Krais dali homugo kęą pai we bidi bidibao. Tama agai digi da dią selama tama sęba me muai dao. Agai aga dąį iliyu daba sa muani, tama dago homuba Tedali Mobo Bidi mawai. Godigo te da dali gasa wiegi yai sę nosali yabo homu eyu, tama te Mobo Bidi hasia dabolo mani, tama dago te koneao wai: mu tama agai te tigidali wiegi yai sę da dali mu yaibao.

Te da sęgę tolobaso da, te dagego homu nagame iliyu tiaibao, tama Godigo dage ma somainogo ebao. Tama Godigo dago homu nagame ilibaso da, te dagego homu me nagame ilimainogo ebao. Te dage bomo elama dolaluyu, tama dago tolobo dene tiwai tolobaso da, teda Godigo dage homu nagame ilaibao.