Popular Bible Verses from Mbs 21

Share

Ka Yawe nda Musa mantsa: « Magaf maga gha ta nahaɗik ka gruma, ka hagata ka ta udzu nda slra dzugwa lu. Inda mndu ya nda hiʼida, ka nghanavatá tsi, dzaʼa mbaku, » kaʼa.

Ka magaftá Musa ta nahaɗik ka ghuva tili, ka hagata ta udzu. Hiʼidata nahaɗik ta mndu ya, nghay tsa mndu ya ta tsa nahaɗika ghuva tili ya, gi nda mba.

Ka zlraftá mnduha ta tsa mndəra i Lazglafta nda Musa, ka həŋ mantsa: « Kabgawu kəl kuni ka hlagaŋnafta ma Masar, ka rwa aŋni ma mtak? Haɗ skwa zay wu, haɗ imi wu, ta ziʼaŋna ziʼa na ghwaɗaka skwa zay na! » ka həŋ.

Ka ghunakta Yawe ta nahaɗik ka gruma slanaghatá mnduha, ka hihiʼida həŋ. Ka rwutá ndəghata mbsaka mnduha ma Israʼila.

Ka lagha mnduha da slanaghatá Musa, ka həŋ mantsa: « Gaga ŋni ta dmaku ma tsay ŋni ta mndəra Yawe, nda ya ma tsay ŋni ta mndəra gha, ndəɓana dzvu ta Yawe ka diʼiŋiŋta tsi nda aŋni ta na nahaɗikha na! » ka həŋ. Ka mag Musa duʼa ta ghəŋa mnduha.