Popular Bible Verses from Lev 19

Share

Ma zbə kuni ta planamtá mndu, ma nza kuni nda dgun ma ŋuɗuf nda kutumkuha ghuni, ama ɗvuta ghuni ta mnda səla manda ghəŋa ghuni. Iʼi ná, Yawe yu.

Yaha kuni dá kwaha vgha ghuni ŋa tawa mndu ta mtuta, yaha kuni dá tsatsaftá ɗaha ta vgha ghuni. Iʼi ná, Yawe yu.

« Mnana mna ta inda guyatá ghəŋa la Israʼila, ka ka nda həŋ na: Nzawa nza nda ghuɓa, kabga iʼi Yawe, Lazglafta ghuni, nda ghuɓa yu.

Ma nza kuni nda dgun nda zwaŋama ghuni. Ka maga maga mndu ta skwi kul raku, mnanaŋwa mna baz ta dmakwa ni. Ka mantsa a tsi wu, dguv ta ghəŋa ghuni dmaku ni.

Yaha kuni dá mbəɗaghutá vgha təv gwal ta gwaɗa nda gwal ma haɗik, ka təv ɗəghaha a tsi, yaha kuni dzaʼa mista taŋ, dá nighunistá həŋ ka gwal ta tsaɗ lu. Iʼi Yawe, Lazglafta ghuni.

Ma yəg kuni ta ghwaɗaka gwaɗa ta ghəŋa mnduha ghuni. Ma gə kuni ta tsuwa nda hafa sləvda ghuni. Iʼi ná, Yawe yu.