Popular Bible Verses from Sab 23

Share

Dzaʼa magihatá iʼi Yawe, Lazglafta ghuni kuni ta slna. Tsaya tama, dzaʼa tfanagha tfa yu ta wi ta skwa zay ghuni, nda ima say ghuni. Dzaʼa huzliŋ huzla yu ta ɗaŋwaha ta ghəŋa ghuni. Ta haɗika ghuni ná, haɗ ta a miʼaha dzaʼa paghigiŋtá zwaŋ, nda miʼaha ka dzəghəŋ wa. Dzaʼa slranagha slra yu ta hafa ghuni.

« Sna ɓa, wana yu ta ghunaftá duhwala ɗa ta kəma ghuni ŋa ngha kaghuni ma tvi, ŋa kladaghunaghata da vli ya payaghunaf yu.

Ama ka fa fa kuni ta sləməŋ ɗina ka snanatá gwaɗa ni, ka ta magay kuni ta inda skwi dzaʼa mnaghata yu katsi, dzaʼa nzakway yu ka ghuma ghumaha ghuni, ka mnda dzaŋtá kuma nda mndu dzaʼa dzaŋtá kuma nda kaghuni.

Yaha kuni da dzaʼa mista ndəghata mnduha ŋa maga ghwaɗaka skwi. Ta kəma guma ná, yaha kuni da ga masləmtsəka skwi ta zɗəganatá ndəghata mnduha ŋa mbəɗiŋtá kahwathwata. Ma gal kuni ta pɗu ta kəma guma.

« Yaha kuni da tuza gwaɗa tsakalawi. Yaha kuni da gwafta wi nda ghwaɗaka mndu ŋa nzakway ka ghwaɗaka masləmtsək.