Popular Bible Verses from Sab 13

Share

Yawe ta klanatá kəma ta həŋ. Gifitik ya, ma kusay sundul nzakwa ni ŋa kla həŋ ta tvi. Girviɗik ya guli, ka vu sundul nzakwa ni ŋa tsuwaɗakanatá vli ta həŋ ŋa laviŋta ta mbaɗa gifitik nda rviɗik tani. Gifitik ya, haɗ tsa kusay sundul ya ta lavaghwi ta kəma mnduha wa. Girviɗik ya guli, haɗ tsa vu sundul ya ta lavaghwi ta kəma taŋ guli wa.

Manda zliŋta Firʼawna ta la Israʼila ŋa sliʼi, kladap a Lazglafta ta həŋ nda ta tvi ta haɗika la Filisti, dər má ndusa tvi nda ta tsa wa. Ka Lazglafta na: « Yaha mnduha ɗa da haga madər ka vraghuta taŋ da Masar, nghaŋər həŋ ta vulu, » kaʼa.

Tsaya kəl tsi ka duwiɗaghatá həŋ ta tvi ma mtak təv drəfa Zaŋwafi. Ka sliʼagaptá la Israʼila ma haɗika Masar nda hbatá vgha ŋa vulu.