Popular Bible Verses from 1Kwa 6

Share

Sna a kuni kazlay: Sluʼuvgha ghuni ná, həga Sulkum nda ghuɓa ya kəʼa ra? Lazglafta ta vlaghunata ŋa nzaku ma kaghuni, ta ka ŋa ghuni a vgha ghuni tama wa. Vara vara Lazglafta ta kaghuni nda skwi nda bla. Tsaya tama, vlaŋwa glaku ta Lazglafta ma skwi ta mag kuni nda sluʼuvgha ghuni.

Sna a kaghuni kazlay: Haɗ vla gwal ta ga dmaku ma ga mghama Lazglafta wu kəʼa ra? Ma nanə kuni ta ghəŋa ghuni. Ɗina ka snaŋta ghuni kazlay: Gwal ta ga sliʼiŋsliʼiŋ, nda gwal ta wuya skwi, nda gwal ta hliri, nda gwal ta hani zgun nda zgun, marakw nda marakw, Nda gwal ta ghali, nda gwal ta haraʼu ta iri nda gwal ghuyaku, nda gwal ta kuslemberaku, nda gwal ta zlaʼuwa mndu ná, haɗ həŋ dzaʼa lami da ga mghama Lazglafta wu kəʼa ra?

Tsaya tama, zlaŋwa sliʼiŋsliʼiŋ. Hamata dmakuha ta mag lu ná, ta ɓla vgha ta magaʼata lu. Mndu ta fatá sliʼiŋsliʼiŋ ka slna ni, ŋa vərɗa sluʼuvgha ni ta ga tsi ta dmaku.

« Haɗ skwi piyɗif lu ta ghəŋa ni wu, » ka sanlaha mataba ghuni ta ndanay. Tsaw inda skwi a nda ra wu. « Laviŋ lava yu ta maga inda skwi guli, » ka sanlaha. Tsaw haɗ iʼi dzaʼa ga vuʼa sana skwi wa.

Ma mtuta Mghama mu Yesu ná, Lazglafta ta sliʼaganapta ma mtaku. Tsatsi dzaʼa sliʼagamapta ma mtaku nda mbrakwa ni guli.