Popular Bible Verses from Matwaya 5

Share

Hapana munu akoréza kandiyeru kufinika na tamboru, ila atula pajulu ya meza, iwamwarikire wanu piya wári nnyumba. Kwa namuna moja novyo, ulangare nlangaza wenu mbere ya wanu, ipate wawone vitendo vyenu vyema, wansifu Baba wenu ári mbinguni.”

Umwe ndi nlangaza mulumwengu‑mu. Kaya yakujengiwa pajulu ya mwango aifisiwa.

Heri ndi wenye moyo swafi, kamana wakuja kummona Mwenyezimungu.

Heri ndi wenye njala na nyotwa ya shariya, kamana wakuja kwikutisiwa.

Fala omi nukwambirani javi: Wapendeni maaduwi wenu, na watendereni duwa wenye kukulumbatani

“Heri ndi wenye kuriwona usikini roho zawo kamana ufalume wa binguni ndi wawo.

Heri ndi wenye kupatanisa wanu, kamana wakwitiwa wana wa Mwenyezimungu.

Heri ndi wenye kulalamika, kamana wakuja kunyamaziwa.

Heri ndi wenye kuhudiwa kwa sababu ya haki, kamana ufalume wa binguni ndi wawo.

Heri ndi wenye utungu, kamana newo wawoneriwa utungu.

Heri kwenu wakati wamwiniwa, na wamwandibiwa, na wamubuniriwa kila namuna ya ulongo, kwa sababu yangu omi! Furahini na muwe radi pakulu, kamana thawabu yenu ndi ulu mbinguni. Kamana novyo ndi vyawandibiwe minabii wapitire kábula ya umwe.”

Heri ndi wenye kurinyenyekeya, kamana wakuja kuwa wenye ardhi.

Insa akizidi kusema javi: “Umwe ndi munyu mulumwengu‑mu! Munyu ukilamwa, cílungiriwa kinani? Auna nguvu tena, ila ukwefiwa kunundu, uluwatiwa na wanu.

Basi mukamilike kamba vyakamilike Baba wenu ári binguni.”

Basi, kusowera kwenu kuwe ‘aye’ íri ‘kweli aye’, ‘sivyo’ íri ‘kweli sivyo’. Ca kupunda epo conse, cilawa ka Mbaya.”

Cengine kawambira kaamba: “Musikira vyayâmbiwe kuwa: ‘Riso kwa riso, rino kwa rino.’ Fala omi nukwambirani kuwa musishindane na wenye kukutendani ubaya. Kwasa javyo, ikiwa munu kakwibiya langu ra nkono nriro, zungunuka umpe langu ra upande mwengine.

Basi sambi, kamba rikukosesa riso rako ra nkono nriro, kotopola, wefye baidi yako. Kamana, ndi fadari kwako kwefya kifingo kimoja ca mwiri wako, koliko mwiri wako nzima kwingira motoni. Na kamba ukukosesa nkono nriro wako, tupula nowo, wefye baidi yako. Basi, ndi fadari kwako kwasika kifingo cako kimojawapo, koliko mwiri wako nzima kwingira motoni.