Popular Bible Verses from Ding Dalit 95

Share

Me ko keni, duku tamu at samban ya; tara, siklaud tamu king arapan ning GINU. Ya ing linalang kekatamu! Ya ing kekatamung Dios; itamu ding memalen a pagmalasakitan na, anti tamung tupang ingatan na.

Me ko keni, magkanta tamu king GINU, purian ta ya ing Dios a magligtas kekatamu. Lumapit tamu king GINU a ating kapasalamatan; masaya tamung magkantang kapurian.

Uling ing GINU, Dios yang mitmung kayupayan; maygit yang mayupaya kesa karing sablang dios-diosan.

Atyu ya king gamat na ing yatu manibat king kalalaman angga na karing matas a bunduk.