Popular Bible Verses from Ding Dalit 51

Share

Gawan meng malinis ing pusu ku, O Dios ko, ibayu me ing pilubluban ku, at katapatan ibie mu kaku.

Ibalik me kaku itang tulang bunga ning pamagligtas mu, at gawan mu kung mapamintu king sablang kaburian mu.

E mu ku tatabi king kekang arapan; e me lalako kaku ing espiritu mung banal.

Ing ain ku, O Dios ko, mapagpakumbaba yang espiritu. Ing pusung sisisi at magpakumbaba kapilan man e me tanggian.

O Dios ko, malunus ka kaku, uli ning alang kupas a lugud mu. Uli ning maragul a lunus mu wasan mu lang kakung kasalanan! Linisan mu ing sablang kakung karinatan, at patawaran mung kakung kasalanan.

Wasan mu ing kasalanan ku, at luminis ku. Wasan mu ku, at maging maputi ku; maputi pa kesa king yelu.

Mikasala ku laban keka; bukud mung keka ku mikasala. Depat ku itang e mayap king arapan mu, inya matulid ing atulan mu ku. Makatuliran ing parusan mu ku.