Popular Bible Verses from Ding Dalit 19

Share

Ding amanung lulual karing labi ku at ing pamibulebule ning kakung pusu, maging katanggap-tanggap la sa arapan mu, O GINU a peka batu kung matibe at kakung talapagligtas!

Ganap ya ing kautusan ning GINU; babie yang bayung bie king tau. Apanaligan lang tuntunan na ning GINU, kabiasnan babie ra king taung alang balu.

Sasabian na ning malualas a banua ing dangalan ning Dios; pakilala na ing depat na.

Ding kautusan ning GINU matulid la; ninuman ing tupad tula ing kamtan na. Ding utus ning GINU ustu la; babie lang sala karing mata.

Karapatdapat ing gumalang mitmung takut king GINU, sukat manatili iti kapilan man. Ding atul ning GINU pawa lang katutuan, at makatuliran la ngan.