Popular Bible Verses from Ding Dalit 139

Share

Pasalamatan da ka uling kailangan kang pitakutan, at pagmumulalan ing dapat mu! Balu ku iti king mabilug kung pusu.

Surian mu ku, O Dios, at pakibaluan mung isipan ku; subukan mu ku at kilalanan ing kakung isipan. Lawan mu nung ating e mayap kaku, at tairan mu ku king dalan papunta king bie alang angga.

Ika ing linalang king sablang dake ning katawan ku; inubug mu ku king atian nang ima ku.

Balu mu ing kaba ning bie ku, uling iti makasulat king libru mu bayu ku pa man magumpisang mangisnawa, inyang deti metung man ala pang linto.

O GINU, sinuri mu ku at kakilala mu ku!

Nu ku mo malyaring munta ban takasan da ka? Nukarin da ka malyaring asalikutan?

Balu mu ing sablang gagawan ku; agyang keng marayu aintindian mu ing isipan ku.

Bayu ne pa asabi ning asbuk ku ing amanu, balu mu na ing sabian ku.

Akakit mu ku, magobra ku man o makapaynawa; balu mu ing sablang gagawan ku.