Popular Bible Verses from Ding Dalit 119

Share

Anti yang sulu ing amanu mu a makiabe king paglakad ku, at sala yang saslag king kakung daralanan.

King kakung pusu karin ku la selikut ding kekang kautusan ban keka e ku mikasala.

Makananu yang makapanatiling malinis a bie ing lalaking kayanakan? Ing keyang daptan ya ing tuparan na lang kekang kautusan.

Mapalad la detang tutupad king tuntunan na, detang mamintu king mabilug dang pusu

Ika ing kakung salikutan at kambilan; ing kekang pangaku yang kakung pagkatiwalan.

Dinan mu kung kabiasnan ban king mabilug kung pusu kaku lang atuparan ding kekang kautusan.

Saupan mu kung magnasang tupad karing kekang tuntunan, at aliwa ing pikualtan ya ing kakung sisikasuan.

Mekakayap kaku ing dinalan kung kasakitan, uling kaku lang apagaralan ding kekang kautusan.

King kakung kasakitan mipaligayan ku, uling migdalang bie ing pengaku mu.

Papanatilian mu kung mamintu karing kekang kautusan, uling kareti ing ligaya kakung tatanggapan.

O GINU, ituru mu la kaku ding kabaldugan ding kekang kautusan, at kaku lang pamintuan king kapilan pa man.

Ing kalungkutan daraigan na ku; pasiknangan mu ku agpang king pengaku mu.

Tune keng pakamalan ing kekang kautusan; aldo't bengi kaku yang pagaralan.