Popular Bible Verses from Ding Kasebian 29

Share

E mu sa ikakabalisa ing sasabian da ring aliwa tungkul keka; magtiwala ka king GINU at mipanatag ka.

Ing bansang alang pansin king Dios, memalen na ala lang disiplina, oneng mapalad ya itang tutupad king kautusan ning Dios.

Agad dang paulata ding mangmang ing karelang mua, oneng ing taung biasa pipigilan na.

Ing barug at ing pamanuru king matulid makakayap la king penganak, oneng ing anak a panusigan king sablang buri na, kamarinayan ing ibie na kang ima na.

Ing kekang anak keka yang disiplinahan, at apagmaragul me kapilan man.

Kabiguan ing maging kararasan ning kapalaluan, oneng ing kapakumbaban pagdala na kang dangalan.

Ing taung malaguang mimimua ibunga na ing dakal a pamipate uling buntuk na mapali ya.

Mas atin kang ayasahan king mangmang kesa king taung bugasuk magsalita.